Еуро Никел ќе атакува на трофеите со играч од Бахами

11 февруари 2024 - 12:07

На четири дена пред завршниот турнир од Купот на Македонија, Еуро Никел ја засили линијата под кошевите.

Шакило Фриц, играч кој во Македонија доаѓа од Динамо Букурешт е новото странско засилување за кавадарчани кои со ова ја исполнија квотата од четворица странци во своите редови. Фриц има 29 години, висок е 203 сантиметри, а пред Романија, играл во Шпанија и Португалија.

Како играч на Динамо Букурешт, просечно постигнувал по 4,2 поена и 2,4 скока за 13 минути во игра.