Нема славје за Норис, Ферстапен победи во Катар и најави лудница во Абу Даби!

30 ноември 2025 - 18:33

Потребна му беше денеска во Катар победа на Ландо Норис за да ја обезбеди шампионската титула, но Макс Ферстапен и Ред Бул одработија тактички одлична трка во која не дозволија во Мекларен да започне шампионското славје.

Ферстапен успеа да биде најбрз во Катар и покрај тоа што тргна од третата позиција, на првата и втората беа токму Пјастри и Норис.

Норис денеска во Катар не беше на своето ниво, па заврши на четвртата позиција, а можеше да биде и петти бидејќи во последниот круг го помина Антонели по една грешка на возачот на Мерцедес. Оскар Пјастри заврши како второпласиран, додека подиумот го пополни Карлос Сајнц од Вилијамс.

По денешната трка Норис е на 408 бода, Ферстапен со триумфот дојде до 396, додека Пјастри заостанува два бода.

Последната трка се вози на 7 декември во Абу Даби и таму ќе се одлучува шампионот за оваа сезона, па сигурно дека ќе гледаме вистинска драма бидејќи во неа тројца возачи ќе се борат за титулата.

Фото: EPA