Марк Маркез најбрз на спринт-трката во Каталонија (ВИДЕО)

06 септември 2025 - 16:02

Возачот на Дукати, Марк Маркез победи во спринт-трката која се возеше пред Големата награда на Каталонија.

Освојувачот на пол-позицијата, Алекс Маркез падна на четири круга пред крајот и остана без бодови, а тоа го искористи неговиот повозрасен брат Марк.

Фабио Квартараро го освои второто место во спринтот, додека третата позиција му припадна на Фабио ди Џанантонио.

Бодови освоија уште и Педро Коста, Енеа Бастијанини, Бред Биндер, Жоан Зарко, Лука Марини и Аи Огура.

Главната трка за Големата награда на Каталонија се вози в недела од 14 часот.

Фото: EPA