Претседател на македонски клуб уапсен во Турција - шверцувал злато во вредност од 300.000 евра!

27 март 2026 - 19:53

Турските медиуми објавија голем скандал во кој се наведува дека претседател на македонски прволигаш бил вмешан во криумчарење на злато.

Информациите кои ги објавија „Адана Масаси“, „Вардарпрес“, но и неколку други медиуми, откриваат дека лицето Б.Х. било уапсено од страна на полицијата на патот меѓу градовите Батман и Сиирт на 24 март.

Полицијата во возилото на претседателот на екипата од Првата македонска фудбалска лига (ПМФЛ) открила злато со тежина од два килограми и 581 грам, кое е проценето на 300.000 евра.

Против осомниченото лице се поднесени судски постапки, а исто така се води истрага.