Германија ја совлада Швајцарија во меч со седум гола, Србија се распадна против Шпанија

27 март 2026 - 22:52

Вечерва беа одиграни неколку пријателски натпревари, при што до победа стигна Германија на гости кај Швајцарија со 4-3, додека Шпанија ја уништи Србија со 3-0, а Англија киксна со Уругвај (1-1).

Ефикасно прво полувреме понудија двете репрезентации во Базел, а Швајцарија поведе со голот на Ндоје, по што Тах израмни на 1-1.

Емболо го врати водството на домаќините, но набрзо Гнабри погоди за 2-2 на полувреме во Швајцарија.

Вирц во 61. минута стрелаше за целосен пресврт, но Монтеиро на 10 минути пред крајот на регуларниот дел израмни на 3-3.

Во главна улога повторно се најде Вирц, и тоа во 86. минута кога со неговиот втор гол ѝ донесе триумф на Германија од 4-3.

Шпанија го најави триумфот против Србија уште во првото полувреме со двата погодоци на Микел Ојарзабал, додека Виктор Муњоз ги постави конечните 3-0 во финишот од натпреварот.

Англија долго се мачеше да ја пробие одбраната на Уругвај и успеа во 81. минута преку Бен Вајт, но во четвртата минута од судиското надополнување Федерико Валверде погоди за 1-1.

До победа вечерва стигна и Холандија во средбата против Норвешка со 2-1.

Фото: Facebook/Germany Football Team