Ферстапен доминантно низ Монте Карло за 39-та победа во кариерата

Светскиот шампион Макс Ферстапен (Ред Бул) победи денеска на најгламурозната трка, грнаприто на Монако низ улиците на Монте Карло во трката во која од почеток до крај не ја испушти првата позиција, после стартот од пол-позицијата на трката во која во последната третина дождот направи мал хаос, во кој Ферари излезе малку поголем губитник.

Без преголеми возбудувања измина две третини од трката во која Ферстапен само ја зголемуваше предноста, пред да почне дождот и да направи мал хаос на трката, а најмногу настрадаа возачите на Ферари, кои не успеаа да влезат меѓу најдобрите пет, а Карлос Сајнц се изврте за да загуби добра позиција и на крајот тој заврши како осми, а Леклер на шестата позиција.

Серхио Перез, вториот возач на Ред Бул, кој имаше несреќа на квалификациите и тргна како последен, не дојде до бодови и имаше гранпри викенд за заборав.

Зад Ферстапен остана Фернандо Алонсо од Астон МАртин, кој остана на второто место од каде тргна на трката, а трет беше Естебан Окон од Алпине. Во првите пет место имаше и за двоецот на Мерцедес, Луис Хамилтон и Џорџ Расел.

За Ферстапен ова е 39-та победа во кариерата, втора во Монако и сега ја зголеми предноста во генералниот пласман откако Перез не освои бодови, а Алонсо се приближи до третиот Перез со освоените нови 20 бодови за 95 на контото, десет зад Мексиканецот. Со оваа победа, Ферстапен стана најдобар возач во историјата на Ред Бул надминувајќи го Себастијан Фетел, поранешниот светски првак.