Загревање за „Де Класикер“: Штутгарт во меч со шест гола славеше над Леверкузен (ВИДЕО)

31 октомври 2026 - 17:36

Фудбалерите на Штутгарт ја прекинаа серијата послаби резултати оваа сезона во Бундеслигата, откако во дербито од осмото коло славеа победа од 4-2 на гостувањето кај Баер Леверкузен.

Само една победа на последните пет натпревари во германското првенство не влеваше голема надеж кај Штутгарт пред едно од потешките гостувања во Германија, и покрај фактот што Баер минатата недела претрпе убедлив пораз од Хофенхајм.

Дополнителен проблем за „швабите“ беше и тоа што Баер од почетокот на сезоната немаше доживеано пораз на домашен терен во Леверкузен, додека Штутгарт традиционално бележи променливи резултати на гостувањата.

Сепак, денеска гостите беа подобри и во првите 20-тина минути постигнаа два гола преку Демировиќ и Левелинг. Леверкузен сепак со голот на Шик намали на 2-1 пред крајот на паузата.

Идентично течеше и вториот дел каде Ел Канос и Демировиќ се погрижија за водство од 4-1. На десет минути пред крајот Маза само ги постави конечните 4-2.

Ќе потсетиме, дербито на колото во Германија се игра од 18:30 часот и во него Баерн е домаќин на Борусија Дортмунд.

Останати резултати:

Аугусбург – Фрајбург 1-2

Борусија Менхегладбах – Падерборн 0-0

Шалке – Лајпциг 0-2

Вердер – Хофенхајм 2-0