Mурињо за Мбапе: „Златна топка“ има секоја година, а прв голгетер на мундијалите е само еден!

31 октомври 2026 - 16:56

Хари Кејн ја освои својата прва „Златна топка“ во кариерата, а по доделувањето во јавноста како и секогаш следуваа најразлични мислења, сега своето го кажа и Жозе Мурињо.

Тренерот на Реал Мадрид прво го поздрави изборот на Кејн со кого соработуваше во Тотнем.

„Хари Кејн е одличен фудбалер. Многу сум среќен за него. Ја заслужува „Златната топка“, тоа е круна на неговата кариера“, изјави Мурињо.

Сепак, потоа го истакна успехот на Мбапе кој заврши на второто место. Французинот летово на Светското првенство стана најдобриот стрелец во историјата на мундијалите.

„Мбапе е уникатен. Секоја година ја доделуваме „Златната топка“... но најдобриот фудбалер во историјата на Светските првенства е само еден“, смета предводникот на „кралевите“.

Големо незадоволство кај португалскиот стратег предизвика тоа што Џуд Белингем го немаше ниту во топ десет и заврши како 11.

„Фактот што Белингам заврши на 11. место ме остави без зборови“, искоментира Жозе.