Ждрепката во ЛШ повторно наместена? Тоти знаеше сѐ! (ВИДЕО)
На вчерашната церемонија во Нион присуствуваа големи фудбалски имиња, а меѓу нив беше и Франческо Тоти, и тоа како претставник на единствениот негов клуб во животот.
Рома вчера немаше среќа и ја доби Барса за противник, еден од главните кандидати за титулата. Но, Тоти се погрижи и големиот ривал на Рома, екипата на Јувентус, да го добие европскиот шампион за противник.
Откако Андриј Шевченко го извлече Јувентус, камерите по фокусирањето на Павел Недвед, во гледалиштето го уловија и Тоти, кој со сериозен израз на лицето проговори: Реал, Реал...
Секако, Шевченко по ова го „послуша“ и состави пар кој е всушност реприза на ланското финале во кое Јуве загуби од Реал по катастрофалниот настап во вториот дел. Ваквата реакција на Тоти стана хит низ социјалните мрежи во комплетна Европа.