Спектакуларен пресврт на Јунајтед, ПСЖ брутален на Ел Мадригал (ВИДЕО)
„Црвените ѓаволи“ беа на работ на ново разочарување, откако Рома имаше предност од 2-0 на полувремето на Олд Трафорд. Матијас Суле во 11. минута ја казни лошата реакција на одбраната на домаќините, а Дониел Мален во 17. минута реализираше од белата точка за двојна предност на италијанскиот тим.
Но, Јунајтед покажа сосема поинакво лице во продолжението. Бруно Фернандеш во 58. минута намали на 1-2 од пенал, а домашните продолжија со нападите. Матеус Куња во 83. минута го искористи киксот на одбраната на гостите и донесе израмнување. Истиот фудбалер погоди и три минути подоцна за комплетирање на пресвртот и еуфорија на Олд Трафорд, а многу веројатно со тој го спаси Карик од отказ уште вечерва.
Во финишот, Куња доби црвен картон со што делумно го засени својот настап, но секако ќе биде славен од своите навивачи по двата постигнати голови. Интересно е тоа што Рома вторпат оваа сезона во Лигата на шампионите губи предност од два разлика. Против Реал водеше 3-1 и загуби со 3-4 на домашен терен, а вечерва имаше 2-0, но загуби со 2-3. За Јунајтед ова е втора победа сезонава во сите натпреварувања, а прва по девет меча без триумф.
На „Ел Мадригал“, пак, ПСЖ одигра фуриозен натпревар и го победи Виљареал со 6-0 со што стигна до 12 бода по четири одиграни натпревари. Жоао Невеш, Дезире Дуе, Сени Мајулу и Фабијан Руиз ја затресоа мрежата на домаќините во вистинска голеада, а Руиз подоцна повторно се запиша меѓу стрелците. Конечниот резултат го постави Боли во 78. минута.
РЕЗУЛТАТИ
Галатасарај - Штутгарт 2-0
Шахтјор - Спортинг 0-1
Атлетико - Баерн 0-2
Барселона - Астон Вила 3-0
Бодо - Лил 0-0
Феенорд - Интер 0-3
ЛАСК - Слован 4-0
Манчестер Ј. - Рома 3-2
Виљареал - ПСЖ 0-6