Симеоне тргна да се тепа со навивачите на Ливерпул! (ВИДЕО)

17 септември 2025 - 23:15

Тренерот на Атлетико Мадрид, Диего Симеоне полуде по голот на Ван Дајк во 92. минута, имаше бурна реакција по која доби црвен картон.

Во натпревар со исклучително драматична завршница, Ливерпул го победи Атлетико Мадрид со 3-2, со погодок во судиското продолжение.

По примениот гол, тренерот на гостите, Диего Симеоне збесна и тргна да се тепа со навивачите на Ливерпул. Реагираше обезбедувањето и не дозволи да се случи сериозен инцидент.

Симеоне возбудено им велеше на судиите дека навивачите на Ливерпул го провоцирале покажувајќи му среден прст, но стратегот на Атлетико доби црвен картон и некоја минута порано мораше да се упати кон соблекувалната.