Рома се прошета во Глазгов и во едно полувреме го прегази Селтик! (ВИДЕО)

Натпреварот италијанскиот тим го реши уште во првото полувреме когаа ги постигнаа трите погодоци. Резултатот беше отворен со автоголот на Скелс во шестата минута. Во продолжение видовме и уште некоја прилика и на двете страни, а мрежата ја затресе Фергусон во 36. минута. Во финишот од првиот дел истиот фудбалер постигна и втор погодок.

Се играа последните секунди кога Селтик имаше шанса за гол, но Енглс не реализираше најстрога казна.

Второто полувреме донесе помирна игра, Рома се повлече и сигурно ја чуваше сигурната предност. Мрежата уште по еднаш се тресеше на двете страни, меѓутоа и во двете ситуации погодоците беа поништени по реакција на ВАР.

Сигурна победа вечерва славеше и Фенербахче кој на гости го совлада Бран со 4-0. Астон вила се помачи на гости во Швајцарија, меѓутоа успеа да слави против Базел со 2-1.

ОСТАНАТИ РЕЗУЛТАТИ:

Порто - Малме 2-0

Панатинаикос - Викторија Плзен 0-0

Лион - Го Хед Иглс 2-1

Фрајбуг - Салзбург 1-0

ФЦСБ - Фејенорд 4-3

Селта Виго - Болоња 1-2