Премија од 100.000 евра за Вардарци ако ја минат Рига

21 јули 2026 - 07:18

Раководството на Вардар одвои богата награда за фудбалерите како мотивација плус пред мечот против Рига во рамките на второто квалификациско коло од Конференциската лига.

Фудбалерите на македонскиот шампион ќе поделат 100.000 евра доколку се пласираат во третото коло од квалификациите.

Вардар првиот меч против Рига го игра утре (среда) со почеток од 20 часот на Градски во Скопје. Реваншот е на 28 јули во Летонија.

Директен пренос од утрешниот натпревар ќе може да следите на Арена Македонија.