Роналдо не крие, покажа што мисли за Аргентина и ФИФА! (ФОТО)

21 јули 2026 - 13:45

Откако неговиот последен настап на Светското првенство заврши многу порано од очекувањата, Кристијано Роналдо повторно се најде во центарот на вниманието. Овојпат поради неговата реакција на социјалните мрежи, со која индиректно ги поддржа тврдењата дека Аргентина била фаворизирана на Мундијалот.

Португалија го заврши настапот уште во осминафиналето, каде што беше елиминирана од Шпанија. Подоцна, Шпанците во големото финале ја совладаа Аргентина и ја освоија својата втора светска титула.

Сепак, Роналдо очигледно не останал рамнодушен на случувањата на турнирот. Тој лајкна контроверзна објава во која шпанската новинарка Пилар Родригез Лосантос упатува остри обвинувања кон ФИФА, тврдејќи дека Аргентина и Лионел Меси биле „туркани“ кон финалето.

„Аргентина требаше да биде елиминирана уште пред најмалку пет натпревари. Тие сè уште беа на турнирот само благодарение на помошта од ФИФА, која е една од најкорумпираните институции на планетата“, зборува Лосантос во емисијата.

Таа додала дека во финалето повеќе се плашела од претседателот на ФИФА, Џани Инфантино, отколку од самиот аргентински тим, нагласувајќи дека „не се играло само против Аргентина, туку против целата ФИФА“.

Со тоа што ја лајкна оваа објава, Роналдо испрати порака која многумина ја протолкуваа како поддршка на ваквите ставови, што повторно предизвика реакции.