Мурињо: До последен ден од животот ќе го повторувам истото – не загубивме од Севилја!

Рома денеска тргнува во нова европска авантура со гостување кај молдавски Шериф, а Мурињо кој доби голема суспензија поради своето вулгарно и насилно однесување кон судијата на финалето во Будимпешта, повторно се наврати на мечот за кој тврди дека – не го загубиле.

„Јас до последен ден од животот ќе го зборувам истово – не загубивме од Севилја во финалето во Лига Европа. Не го загубивме финалето и нема да се предомислам да кажам друго“, рече Мурињо.

Португалецот е казнет од УЕФА на четири меча за однесувањето на тоа финале и после него, кога го нападна судијата во подтрибинскиот простор.