„Л'Екип“ откри кога Зидан почнува со работа како селектор на Франција! (ВИДЕО)

18 јули 2026 - 15:51

Иако датумот на официјалното објавување сè уште не е познат, Зинедин Зидан ќе стане селектор на француската репрезентација од 1 септември, со што завршува ерата на Дидје Дешан по малиот финален натпревар на Светското првенство.

Според информациите на Л’Екип, Зинедин Зидан официјално ќе ја преземе функцијата селектор на француската репрезентација на 1 септември. Иако точниот датум на објавување на неговиот ангажман сè уште не е познат, во документите разменети меѓу двете страни, токму 1 септември е наведен како почеток на договорот на Зидан и неговиот стручен штаб.

Претходно, малиот финален натпревар (борбата за трето место) на Светското првенство против Англија, кој ќе се одигра во Мајами во сабота (23 часот), ќе го означи крајот на ерата на Дидје Дешан на чело на триколорите. По тој натпревар, Зидан официјално ќе го преземе кормилото.

Откако ќе стапи на функција, француската репрезентација ќе има четири натпревари од Лигата на нации кон крајот на септември и почетокот на октомври: на 25 септември во Турција, на 28 септември во Белгија, на 2 октомври против Италија и на 5 октомври повторно против Белгија. Овие мечеви ќе бидат првиот вистински предизвик за новиот селектор.