Италијанците со тешки обвинувања: УЕФА ѝ помага на Англија поради Суперлигата!

09 јули 2021 - 07:40

Англија со сомнителен пенал славеше против Данска со 2-1 и избори финале на Еуро 2020, каде што ќе игра против Италија, но реакциите поради контроверзната ситуација сѐ уште не стивнуваат.

„Газета дело Спорт“ објави текст во кој пишува дека Европската фудбалска унија (УЕФА) и Александар Чеферин сакале да ѝ се одолжат на Англија и премиерот Борис Џонсон.

Џонсон беше директен противник на европската Суперлига, која пред неколку месеци доживеа целосен распад, откако се повлекоа премиерлигашите.

„Италија, внимание: Англија е во финале по политичка помош. Пеналот досуден за тимот на Саутгејт помогна во елиминацијата на Данска“, пишува медиумот.