Гвардиола: Претходните три сезони бевме подобри од Реал, сега не

Во двата меча, неговиот тим прими вкупно шест гола и трет пат во последните четири сезони е елиминиран од најтрофејниот тим во елитното натпреварување. Иако резултатите во овие пресметки се на страната на Реал, Гвардиола тврди дека ова е првпат мадридскиот тим да е подобар на теренот.

„Подобриот тим победи, заслужено. Имавме добри настапи во Лигата на шампионите претходно, игравме финале и полуфинале, но сега потфрливме. Имам чувство дека претходните три години бевме подобри од Реал, но не и оваа“, рече Гвардиола.

Идната сезона Сити може и да не стигне до Лигата на шампионите бидејќи во моментов е четврти на табелата во Премиер лигата, а му се заканува и жестока казна поради прекршување на правилата од финансискиот фер-плеј.