Гостинска победа на Тотнем кај Хофенхајм, Рома загуби во Холандија! (ВИДЕО)

23 јануари 2025 - 20:48

Во натпревар со пет голови, Тотнем со 3-2 славеше на гостувањето кај Хофенхајм, АЗ Алкмар со 1-0 ја победи Рома, немаше голови на дуелот меѓу Фенербахче и Лион.

Тотнем кој е еден од фаворитите во Лига Европа дојде до нови три бода откако славеше на гостувањето во Германија кај Хофенхајм.

Со голови на Медисон и Сон, Спарс уште во првото полувреме водеа со 2-0. Во вториот дел Стак намали на 2-1, но брзо потоа Сон постигна нов гол за предност на Тотнем од 3-1. До крајот на мечот Хофенхам успеа само да постигне уште еден гол преку Моква Нтсу за конечни 2-3.

АЗ Алкмар со гол на Парот во 80. минута ја совлада Рома со 1-0.

Единствениот натпревар кој заврши без голови е дуелот меѓу Фенербахче и Лион.

Олимпијакос направи изненадување откако го совлада Порто на негов терен со 1-0.

Во другите одиграни натпревари Бодо/Глимт - Макаби Тел Авив 3-1, Малме - Твенте 2-3, Карабаг - ФКСБ 2-3, Викторија Плзен - Андерлехт 2-0.