Еден, ама злато вреден: Црвена звезда со малку среќа ја освои Тирана (ВИДЕО)

25 август 2020 - 22:07

Фудбалерите на Црвена звезда се пласираа во 3. коло од квалификациите за Лигата на шампионите, откако вечерва, минимално, но заслужено го совладаа домашниот тим на Тирана (1-0), во меч кој имаше многу повозбудлива најава поради големата „војна“ на навивачите на двете екипи на социјалните мрежи.

Албанците имаат што да жалат, бидејќи создадоа неколку изгледни шанси за погодок, но не реализираа, по што стигна казната. Победничкиот гол за црвено-белите го постигна Томани во 62. минута, по одличниот центаршут од корнер на Катаи. Тирана имаше одлична можност и во самиот финиш, но голманот Борјан ги спаси белграѓани.

За домашниот тим од почетокот настапија македонските интернационалци Кристијан Тошевски и Филип Најдовски. Ц. Звезда својот следен противник ќе го добие преку ждрепка, а Тирана ќе продолжи во Лига Европа.