МВР презема мерки по националистичките скандирања на навивачите на Шкендија!

06 август 2025 - 10:11

И покрај сите апели кои доаѓаа од различни страни, синоќа навивачите на Шкендија скандираа „Илирида“ и „Голема Албанија“, Министерството за внатрешни работи (МВР) презема мерки за овој случај.

Пред натпреварот меѓу Шкендија и Карабах, МВР излезе со сопштение дека ќе санкционира евентуални националистички испади на мечот, како што беше тоа случај и на кошаркарскиот натпревар во Куманово меѓу Македонија и Романија.

Националистичките испади не изостанаа, навивачите на Шкендија во неколку наврати скандираа „Илирида“ и „Голема Албанија“.

СВР Скопје врз основа на снимениот и документиран материјал презема мерки во координација со надлежен јавен обвинител.

Ваквото однесување на навивачите на Шкендија не е ново, го има речиси на секој натпревар, а кулминацијата се случи по трагедијата во Кочани кога наместо минута молчење имаше свирежи и песни за УЧК.