Барселона, конечно, се враќа во Камп Ноу!

06 август 2025 - 09:02

По две години играње на Олимпискиот стадион Монжуик, шпанскиот првак Барселона конечно ќе може да се врати на Камп Ноу иако со редуциран капацитет.

Градскиот совет позитивно одговорил на вчерашното барање од клубот да игра на својот стадион, почнувајќи од дуелот против Валенсија во четвртото коло од шпанското првенство. Натпреварот е на програмата викендот на 13 и 14 септември, а на него ќе можат да присуствуваат најмногу 27 илјади гледачи.

Поради реновирањето на стадионот, Барселона побара првите три кола од Ла Лига да ги игра како гостин, но брзањето е поради Лигата на шампионите бидејќи ако пријави друг стадион, екипата нема да може да игра на Камп Ноу до крајот на лигашкиот дел, во јануари.