Брест остана непоразен и против Леверкузен, Селтик издржа во Бергамо (ВИДЕО)

23 октомври 2024 - 20:40

Денешната програма во Лигата на шампионите започна со два нерешени резултати на натпреварите Брест - Баер Леверкузен (1-1) и Аталанта - Селтик (0-0).

Фудбалерите на Брест кој сигурно се едно од најпријатните изненадувања сезонава во Лигата на шампионите останаа непоразени и во натпреварот против германскиот шампион.

Првата ѕвезда на Леверкузен, Флоријан Вирц ја затресе мрежата на Французите во 24. минута и донесе водство за својот тим. Предноста на Леверкузен беше актуелна се до завршницата од првиот дел кога Лес-Мелоу погоди за израмнување.

Во вториот дел не видовме погодоци, па тој резултат се покажа и како конечен. За Брест ова е прво реми во европската елита по победите против Штурм Граз и Салзбург, Леверкузен исто така славеше во првите две кола во дуелите Фејенорд и Милан.

Аталанта влезе како фаворит против Селтик и доминираше, упатија 20 удари кон голот на шкотскиот тим, но и тоа не беше доволно да го најдат патот до мрежата, па Селтик успеа да остане непоразен.