Барса во Киев оди на прошетка – ни Меси, ни Де Јонг во тимот

23 ноември 2020 - 14:24

Шпанска Барселона која има најужасен старт на сезона во последните 30 години во Ла Лига, ја очекува пресметка со Динамо Киев во четвртото коло во Лигата на шампионите, ама на гостувањето во Украина, Роналд Куман како да тргна на прошетка – не го зеде ни Меси, а ни Де Јонг.

Тренерот Роналд Куман проценил дека подобро е да ги остави двајцата во Барселона и повеќе шпанскиот тим да се фокусира на Ла Лига, зашто по половина од ЛШ имаат максимален ефект од девет бода и практично со една нога се во осминафиналето. Ако се додаде дека во тимот ќе ги нема повредените Пике, Бускец, Умтити, Ансу Фати...

„Решивме да не ги земеме Меси и Де Јонг. Имаме прилично добра позиција после три победи, па подобро е овие двајца да одморат, а и тоа како ќе им биде тоа добредојдено“, рече Куман.

Во тимот се повикани Матеус, Конрад Де ла Фуенте, Оскар Мингеза...