Англија ги избриша Србите, Албанија ќе игра бараж за Мундијалот (ВИДЕО)

Со тоа, Србите ги загубија и минималните шанси за пласман во баражот за Светското првенство преку квалификациите и остануваат исто така со теоретски шанси да се изборат за дополнителни квалификации, но преку Лигата на нации иако тоа е премногу тешко остварливо. Англија, од друга страна, ја продолжи серијата без примен гол во овие квалификации и може полека да се подготвува за настапот на Мундијалот.

Вечерва Англичаните играа колку што им беше потребно, без да се изложат на ризик од евентуални повреди. На српската репрезентација ѝ беше потребно многу време за да се отвори, а дотогаш Букајо Сака веќе го отвори резултатот. Се чинеше дека мечот ќе заврши со еден гол кога во последните моменти од основниот дел Езе ги постави конечните 2-0.

Откако доби услуга од Англија, репрезентацијата на Албанија ја заврши својата задача, ја совлада Андора со 1-0 и обезбеди пласман во баражот за Светското првенство. Единствениот гол го постигна Аслани во 67. минута, а Албанците наскоро ќе дознаат и против кого ќе се сретнат во плејофот.

Од останатите натпревари што се играа вечерва, Ирска ја совлада Португалија со 2-0 и ја спречи денеска да го прослави пласманот на Мундијалот, а Италија славеше со истиот резултат на гости кај Молдавија, но треба да ја победи Норвешка со 9-0 во последното коло за да обезбеди директно учество на Светското првенство.

РЕЗУЛТАТИ
Андора - Албанија 0-1
Англија - Србија 2-0
Франција - Украина 4-0
Ирска - Португалија 2-0
Молдавија - Италија 0-2

фото: EPA photo