Талент на Арсенал пред трансфер во Манчестер јунајтед

24 јануари 2025 - 07:40

Манчестер јунајтед во наредниот период би можел да добие засилување од својот голем ривал, Арсенал.

Станува збор за 18-годишниот дефанзивец, Ајден Хевен. Според информациите на инсајдерот за трансфер пазарот, Фабрицио Романо првите контакти веќе биле направени.

Покрај Манчестер јунајтед интерес за овој фудбалер покажал и Ајнтрахт, а исто така и Арсенал му доставил понуда за нова соработка.

Причината поради која клубовите почнаа да покажуваат интерес за неговите услуги е тоа што неговиот договор истекува на крајот од сезоната.