Слот стана само четвртиот тренер кој во првата сезона ја освоил Премиер лигата

28 април 2025 - 17:17

Англиската Премиер лига подолго време важи за најсилното фудбалско првенство во светот и вистински подвиг е еден тренер да стигне до титулата уште во својата дебитантска сезона и нема многу стратези кои можат да се пофалат со такво достигнување.

Такво нешто сега му суепа на Холанѓанецот, Арне Слот кој сезонава пристигна на „Енфилд“ од Феенорд и испиша историја со тоа што веднаш донесе титула.

Слот ја водеше екипата до доминантно освојување на трофејот во Премиер лигата и за Ливерпул тоа беше вкупно 20. шампионски пехар, прв по заминувањето на Клоп. 

Пред Слот до трофеј во своите први сезони успеале да стигнат само уште: Жозе Мурињо со Челси во сезоната 2004/2005, Карло Анчелоти во 2009/10, Антонио Конте во 2016/17, исто така со Челси и Мануел Пелегрини со Манчестер сити во 2013/14.

Арне Слот на тој начин не само што го скрши митот дека новите тренери мора да минат низ долг процес на прилагодување во Англија, туку и докажа дека со визија, дисциплина и современ фудбал може веднаш да се оствари резултат, дури и во најтешката лига на светот.

Фото: EPA PHOTO