Швајнштајгер по шокот во Братислава: Ми се скрши срцето...

05 септември 2025 - 18:12

Легендата на германскиот фудбал, Бастијан Швајнштајгер ја критикуваше својата репрезентација по шокантниот пораз од Словачка во првиот натпревар од квалификациите за Светското првенство.

Избраниците на селекторот, Јулијан Нагелсман во Братислава беа поразени со 2-0 и тоа преизвика бес кај поранешниот фудбалер од средниот ред на Баерн и Манчестер јунајтед.

„Жал ми е, но во ниту една минута од натпреварот не верував дека ќе победиме. Ова е тежок удар. Бевме навистина лоши. Немавме добри додавања и не бевме никаква закана за противникот“, критикуваше Швајнштајгер.

Посебно бил погоден од реакцијата на навивачите по натпреварот.

„Морам да размислам кога последен пат сум ги видел германските навивачи како испраќаат свирежи и ги бркаат своите фудбалери. Тоа ми го скрши срцето. Треба да бидеме среќни ако се пласираме на Мундијалот, но ако играме како денес...“, изрази загриженост германскиот ветеран.

Фото:Bastian Schweinsteiger/X