„Кога губиш не е добро, Саудиска Арабија беше тест, но Лихтенштајн треба да го победиме“

Лихтенштајн в недела ќе гостува на Националната арена „Тодор Проески“, а пред овој дуел своите очекувања ги истакна и фудбалерот Исник Алими.

Алими потенцираше дека не е важно колку гола ќе постигнеме, туку најважни се трите бода. 

„Нормално, кога губиш не е добро. Саудиска Арабија е добар тим, а ние почнавме со неколкумина нови фудбалери во почетниот состав. Беше добар тест за нас, да видиме до каде сме и треба да анализираме што не беше добро за да не се повтори на следните натпревари. Сега секоја репрезентација е сериозна, но со Лихтанштајн ние треба да победиме, не е важно дали е 1:0, 3:0 или 5:0, најважно е бодовите да останат во Скопје. Тоа е целта за овој меч“, изјави Алими.

Натпреварот со Лихтенштајн е закажан за во терминот од 18:00 часот.