Руни и по 13 години не може да се помири: Тој натпревар треба да се истражи!

25 април 2025 - 16:26

Aнглиската легенда, Вејн Руни по повеќе од една деценија повторно зборуваше за епскиот пресврт на Манчестер сити против Квинс Парк Ренџерс.

Вејн Руни повторно јавно зборуваше и не крие дека според него има сомнителни ситуации во победата на „граѓаните“ во последното коло со која стигнаа до титулата. Квинс Парк тогаш водеше со 1-2, а на Сити за титула му беше потребна само победа. Тогаш во самата завршницата триумфот го обезбедија Џеко и Агуеро.

„Очигледно беше дека КПР се бранеше слабо, но зарем Педи Кени не му ја подари топката на Сити? Тие веќе знаеа дека изборија опстанок. Сити изедначи на 2:2, а КПР пак им ја врати топката. На теренот беше Џибрил Сисе, Џои Бартон доби црвен, Шон Рајт-Филипс и Оноуха исто така играа, сите во еден период беа играчи на Манчестер сити… Тоа мораше да биде под истрага“, изјави Руни.

Напомена Руни и дека Џибрил Сисе славел заедно со фудбалерите на Манчестер сити.

„Педи Кени мораше подобро да реагира на неколку од тие голови. Сити дава втор гол, а КПР пак им ја враќа топката. Никој никогаш не го постави тоа прашање. Исто така Сисе на крајот слави со играчите на Сити“, потсети Руни.

Фото: Derby County/X