ФФМ донесе одлука: Финалето од Купот ќе се игра на Градскиот стадион во Скопје

Ваква одлука денеска донесе Управниот одбор на Фудбалската федерација на Македонија. Во финалниот меч ќе се сретнат Вардар и Струга кои ќе се борат за еден од двата трофеја во македонскиот фудбал.

Вардар е во финалето првпат по пауза од 18 години, додека Струга играше во мечот за пехарот пред две години и загуби од Македонија ЃП на пенали.