Роналдо со хет-трик се загреа за новата сезона (ВИДЕО)

08 август 2025 - 09:16

Ал Наср се наоѓа на подготовки низ Европа каде игра пријателски натпревари, а синоќа го растури Рио Аве со 4-0.

Прва ѕвезда на мечот беше Кристијано Роналдо кој постигна три од четирите гола на мечот. Симака го отвори резултатот во 15. минута, а потоа следуваа трите гола на португалскиот суперстар.

Ал Наср ќе одигра уште еден подготвителен меч во Европа, против Алмерија на 10 август, а потоа се враќа во Саудиска Арабија каде на 19 август го игра полуфиналето од Суперкупот, против Ал Итихад.