Откриено кога и каде ќе биде погребан Марадона

26 ноември 2020 - 17:53

Аргентина се збогува со нејзиниот фудбалски херој Диего Марадона, а и покрај тоа што владее пандемија на ковид-19, околу милион луѓе во Буенос Аирес ќе се простат со фудбалскиот бог.

Ковчегот беше поставен во претседателската палата, а таму граѓаните имаат можност да се збогуваат за последен пат со еден од најдобрите фудбалери во историјата.

Портпаролот на Марадона, Себастијан Бјанки им откри на новинарите кога и каде ќе биде погребан легендарниот Аргентинец.

„Погребот ќе се одржи денеска попладне во периферија на Буенос Аирес во ‘Градината на мирот’, каде што се погребани неговите родители“, соопшти портпаролот.

Аргентина претходно прогласи тридневна жалост поради смртта на Марадона.