Наинголан: Подобар бев од Погба, само Видал и Де Роси беа на мое ниво

06 март 2026 - 17:51

Поранешниот белгиски репрезентативец Раџа Наинголан даде опширно интервју за „Спортиум“ во кое меѓудругото и нескромно истакна дека се смета за подобар од Пол Погба.

Според него, Погба во кариерата одиграл само три години фудбал на високо ниво.

„Во мојата ера во Серија А само Видал и Де Роси беа подеднакво добри како мене. Погба? Јас бев подобар од него, тој во целата кариера имаше само три добри години.“

Нема премногу високо мислење Белгиецот и за денешните тренери.

„Гледајќи кој сè се занимава со таа работа, мислам дека и јас би можел да бидам тренер“, порача Белгиецот во својот препознатлив стил.