Турците ќе нѐ нагостат на стадионот на Фенербахче, едвај го чекаат Елмас

04 мај 2026 - 19:02

Македонската репрезентација на 29 мај ќе гостува на БиХ во Сараево, а три дена подоцна ќе одигра уште еден силен пријателски натпревар, со селекција која ќе учествува на Светското првенство.

Станува збор за Турција која ќе го пречека нашиот национален тим на 1 јуни, на стадионот „Шукру Сарачоглу“, домот на Фенербахче. Терминот на одигрување на овој натпревар дополнително ќе биде одреден и обзнанет. Навивачите на Фенер со нетрпение очекуваат да го видат нивниот миленик Елиф Елмас кој играше за овој клуб од 2017 до 2019 година и остави фантастичен впечаток.

 

 

За турската репрезентација ова ќе биде последен тест и практично збогување со своите навивачи пред заминувањето во САД. Таму, на 6 јуни, Турците ќе одиграат уште еден пријателски натпревар, против Венецуела во Форт Лодердејл.