Челси со нови детали по тешката повреда на младиот талент (ВИДЕО)

04 мај 2026 - 19:21

Челси доживеа нов пораз во Премиер лигата, и тоа од Нотингем Форест со 1-3 на „Стемфорд бриџ“, а дополнително загрижувачки е тоа што се повреди и талентираниот фудбалер Џеси Дери кој итно бил пренесен во болница.

Дери беше изнесен на носилки по хорор судирот со противнички играч, а Челси по натпреварот објави детали за младиот фудбалер.

„Џеси е пренесен во болница по повредата на денешниот натпревар. Дери е свесен и комуницира, но мора да остане во болница како мерка за претпазливост поради сериозната повреда. Му посакуваме брзо опоравување“, соопшти Челси.