Кој е домаќин - Канада или БиХ? Босанците го окупираа Торонто (ВИДЕО)
Додека канадската репрезентација формално го има статусот на домаќин в петок (21 часот) на „БМО Филд“, ситуацијата на теренот и на трибините ќе биде сосема поинаква. Канадските медиуми се во апсолутен шок и отворено признаваат дека се немоќни пред сино-жолтата инвазија што веќе целосно ја окупира земјата!
Дека се подготвува невиден спектакл и „жежок терен“ за домашните фудбалери сведочат и снимките што од утрово стануваат вирални на социјалните мрежи. Автобуси полни со навивачи на Босна и Херцеговина крстарат по улиците на Торонто, кои со своите песни, факели и развеани знамиња создаваат атмосфера како натпреварот да се игра среде Сараево или Зеница! Локалните медиуми со денови известуваат со доза на страв и чудење за тоа што ќе се случи во петок навечер. Капацитетот на стадионот е околу 45.000 седишта, а проценките на безбедноста и навивачите велат дека дури 30.000 билети ќе бидат во рацете на босанските фанови!
Доколку Босанците навистина го сторат ова и има 30.000 нивни навивачи на стадионот, тоа ќе биде невиден срам за домаќин на Светското првенство во историјата на фудбалот! Ќе биде целосно понижувачки за домашната екипа да има многу помала поддршка од противниците на сопствениот терен, очајно се плашат канадските новинари.
Причината за оваа брутална доминација лежи во фактот дека Канада, а особено градовите како Торонто, Хамилтон и Виндзор, е дом на една од најорганизираните и најтоплите босанско-херцеговски дијаспори во светот. Покрај домашните гастарбајтери, река навивачи од САД се влева во Торонто со комбиња и автомобили. Навивачите резервирале цели флоти автобуси, а авионските билети се распродадени со месеци однапред, бидејќи сите знаат дека таква историска можност на најголемата сцена на фудбалот не треба да се пропушти.
Сè мириса на тоа дека „BMO Field“ ќе биде целосно обоен во сино и жолто в петок. Канада има тим, но Босна има армија која нема да штеди ниту еден долар ниту еден километар за да покаже што значи фанатичка љубов кон татковината. Балканскиот ураган ќе ја посети Канада в петок.