Керол не се откажува: Го напушти Бордо за да игра во шестата лига во Англија

13 јули 2025 - 08:08

Поранешниот англиски репрезентативец и фудбалер на Ливерпул, Енди Керол го напушти Бордо со кој играше во четвртата лига во оваа земја за да се пресели во шестиот ранг на англискиот фудбал.

Нов клуб на познатиот англиски голгетер е Дагенхем и Редбриџ или скратено Даг и Ред. Станува збор за клуб кој е дел од Националната лига југ во Англија.

Неодамна овој клуб доби сопственици од Катар, па веројатно и силна финансиска инјекција по што ќе се обидат да се искачат некој ранг погоре.

Керол иако е далеку од најдобрите денови, очигледно продолжува да го игра фудбалот од љубов. Изминатата сезона дури и истакна дека со платата која ја имал во Бордо кој поради финансиски проблеми заврши во четвртата лига едвај може да си ја покрие и киријата за станот, па сумата веројатно не е многу поразлична и во новиот предизвик.

Низ кариерата Керол го носеше дресот на: Њукалс, Престон, Ливерпул, Вест Хем, Рединг и Амиен.