Маркез ги збриша ривалите во Германија и - стана втор најдобар возач во историјата!

13 јули 2025 - 15:10

Шпанецот Марк Маркес на импресивен начин им се врати на победите, триумфирајќи на мотоциклистичката трка за Големата награда на Германија на патеката Заксенринг, што беше негова 12-та победа на оваа патека во сите класи.

Возачот на Дукати водеше од самиот старт до целта, завршувајќи со убедлива предност од 6,3 секунди пред својот помал брат Алекс Маркес, кој го освои второто место. Подиумот го заокружи вториот фабрички возач на Дукати, Франческо Бањаја, со заостанување од седум секунди зад Маркес. Во првите пет се пласираа и Фабио Куартараро и Фермин Алдегер, додека Топ 10 листата ја комплетираа Лука Марини, Брад Биндер, Џек Милер, Раул Фернандес и Алекс Ринс.

Тие беа и единствените возачи кои ја завршија трката, откако натпреварувањето беше исполнето со падови, а на стартот се појавија само 18 мотоциклисти. Меѓу возачите кои излетаа од патеката беа и Фабио Ди Џанантонио и Марко Беѕеки, кои паднаа од второто место во 18. и 20. круг. Двата инциденти се случија во првиот свиок, што овозможи Алекс Маркес да се искачи во пласманот и да заврши веднаш зад својот брат.

За Марк Маркез ова беше вкупно 69-та победа во Мото ГП со што го престигна Агостини на второто место на вечната листа, зад неприкосновениот Валентино Роси, кој има 89 први места.