Европско дерби на СП помеѓу Шпанија и Германија: Србија и Бразил повторно заедно

01 април 2022 - 19:19

Познати се групите за Светското фудбалско првенство што ќе се одржи годинава во Катар. Страшно интересно ќе биде во групата Е, каде што се најдоа два европски гиганти Шпанија и Германија. 

Интересно е тоа што во Групата Г ќе играат три репрезентации кои беа во иста група и на минатиот турнир во Русија, а тоа се Бразил, Швајцарија и Србија. Бранителот на трофејот Франција за најсериозен ривал во групата Д ја доби Данска, а релативно лесни противници има Аргентина, која се падна во групата Ц каде што се Саудиска Арабија, Мексико и Полска. 

ГРУПА А: Катар, Еквадор, Сенегал, Холандија

ГРУПА Б: Англија, Иран, САД, Велс/Шкотска- Украина

ГРУПА Ц: Аргентина, Саудиска Арабија, Мексико, Полска

ГРУПА Д: Франција, ОАЕ-Австралија/Перу, Данска, Тунис

ГРУПА Е: Шпанија, Костирака/Нов Зеланд, Германија, Јапонија

ГРУПА Ф: Белгија, Канада, Мароко, Хрватска

ГРУПА Г: Бразил, Србија Швајцарија, Камерун

ГРУПА Х: Португалија, Гана, Уругвај, Јужна Кореја

Домаќинот Катар ќе го отвори Мундијалот со Еквадор на 21 ноември, а финалето е закажано на 18 декември 2022 година.