Претседателот на шпанскиот фудбалски сојуз откри за кого навива во Ла Лига

Лузан минатата недела беше избран за нов претседател, а една од обврските кои ги имаше е патувањето во Доха за да го гледа мечот меѓу Реал Мадрид и Пачука во финалето на Интерконтиненталниот куп.

„Ќе се обидам да имам средба со Флорентино Перез во Доха и да му се ставам на располагање. Го познавам долги години и му се восхитувам на неговата способност за работа и тоа до каде го донесе клубот. Ние како навивачи на Реал сме задоволни што управува со тимот. Реал е најдобар амбасадор на Шпанија во светот“, кажал Лузан.