Барселона оди на суд поради Олмо - ако не го регистрира, ќе мора да го продаде!

23 декември 2024 - 15:46

Каталонскиот гигант Барселона минатото лето го ангажира Дани Олмо од Лајпциг за 55 милиони евра, меѓутоа ситуацијата се искомплицира, зашто регистрацијата на Олмо направи проблем.

Барселона ги крши правилата на финансискиот фер-плеј, поради што постои можност шпанскиот репрезентативец од 1 јануари да не биде регистриран.

Поради овој проблем на суд се води битка меѓу Барселона и судиите од Ла Лига, а според шпански „АС“ конечната одлука ќе биде донесена на 27 декември.

Барселона е оптимист и верува дека одлуката ќе биде во нејзина корист, како што беше случај со Гави, кога судот му овозможи право на фудбалерот да игра, а клубот сега го користи истиот аргумент за Олмо.