Екс-фудбалерот на Баерн и Борусија се врати на терените, сега како напаѓач (ВИДЕО)

18 август 2026 - 13:56

Поранешниот дефанзивец на минхенски Баерн и Борусија Дортмунд, Никлас Зуле, ја изненади фудбалската јавност со враќањето на терените, само три месеци откако ја заврши професионалната кариера.

Зуле во мај годинава го раскина договорот со Борусија Дортмунд по новата повреда на коленото, одлучувајќи во преден план да ги стави своето физичко и ментално здравје. Сепак, очигледно љубовта кон фудбалот не исчезнала.

Триесетгодишниот дефанзивец дебитираше за тимот на Тифенбах, екипа која се натпреварува во деветтиот ранг на германскиот фудбал. Интересно е што поранешниот дефанзивец не настапи на својата вообичаена позиција, туку натпреварот го започна како централен напаѓач.

Зуле успеа да постигне гол, но неговиот тим немаше многу причини за славје и загуби со убедливи 7-2.

Во текот на кариерата често беше предмет на дискусии поради телесната тежина. Висок е 195 сантиметри, а неговата тежина во еден момент од професионалната кариера надминуваше 110 килограми.