Барселона и Атлетико со сигурни победи до четвртфинале во Копа дел Реј (ВИДЕО)

15 јануари 2025 - 23:30

Екипата на Барселона вечерва со убедлива победа над Реал Бетис од 5-1 се пласираше во четвртфиналето од шпанскиот куп.

Победата на каталонскиот гигант ја најави Гави со погодокот уште во третата минута. Веќе во 27. минута Кунде се погрижи за 2-0 и тоа беше резултатот по првиот дел.

Во вториот дел Барселона продолжи со доминацијата, а преостанатите три гола беа дело на Рафиња, Торес и Јамал. Голот за утеха за Бетис го постигна фудбалерот кој е на позајмица од Барселона, Витор Роке.

Сигурна победа за четвртфинале забележа и Атлетико Мадрид над Елче од 0-4.