Новото лице на Македонија У21: Станиќ ги подготвува фудбалерите за натпреварите со Косово (ФОТО)

25 мај 2025 - 14:17

Фудбалерите на репрезентацијата до 21 година со новиот стручен штаб ги одработуваат подготовките за двата контролни натпревари кои оваа репрезентација ќе ги одигра против селекцијата на Косово.

Подготовките избраниците на Горан Станиќ ги започнаа пред три дена, а денеска фудбалерите тренираа на дождливото време кое ја зафати речиси целата наша земја.

Првиот натпревар против Косово го играме на 28 мај во 19:00 часот во Приштина на стадионот „Фадиљ Вокри“, додека реваншот е закажан за на 31 мај во 15 часот во Скопје на тренинг-центарот „Петар Милошевски“.

Овие подготовки за репрезентација се последни пред почетокот на квалификациите за Европското првенство кои стартуваат во септември.

Составот на Македонија за овие натпревари:

ГОЛМАНИ:

Васко Василев – Гостивар

Љупче Џеков – Силекс

Славе Вргов – А.П. Брера

ОДБРАНА:

Давид Даилоски – Венло, Холандија

Андрија Димески – Вождовац, Србија

Андреј Аризанковски – А.П. Брера

Анес Мелиќи – Шкендија

Никола Најдовски – Тиквеш

Ѓорге Џеков – Силекс

Марко Стојилевски – А.П. Брера

Нуман Ајетовиќ – Шкупи

СРЕДЕН РЕД:

Матеј Ангелов – Работнички

Ѓорѓи Дошев – Македонија Ѓ.П.

Адриан Зенделовски – Олимпик, Шведска

Теодор Николовски – Работнички

Мартин Ѓоргиевски – А.П. Брера

Никола Манојлов – Работнички

НАПАД:

Димитар Данев – Работнички

Димитар Трајков – Дуго Поље, Хрватска

Матеј Гаштаров – Звезда, Србија

Михаил Талевски – Вардар

Кире Стојанов – Беласица

Хамза Меметриза – Струга Трим Лум