Милевски: Ова беше меч за експерименти - задоволен сум!

Македонија денеска го доживеа првиот пораз по серија од десет натпревари без загубен натпревар. Бевме поразени од Саудиска Арабија, но ова беше меч во кој селекторот пробуваше нови фудбалери и тактики.

„Има моменти кои ме прават да бидам задоволен, поготово тоа што експериментиравме и со составот и со измените, среќен сум што мислам дека добивме уште два плус играчи кои ќе ја зголемат конкуренцијата во тимот. Главниот меч ни е со Лихтештајн во недела, а сето останато ни е подготовка за тој натпревар и мислам дека одигравме квалитетен натпревар со квалитетен противник и можеме да бидеме задоволни“, изјави Милевски по мечот.

„Среќен сум што можам да работам со вакви фудбалери кои секоја моја замисла можат да ја пренесат на теренот и се адаптираат многу брзо и на промена на формација и на промена на она што се бара од нив на самиот натпревар без разлика на какви задачи добиваат“.