Волкановски почнува актерска кариера - ќе глуми во „Стритфајтер“

04 септември 2025 - 21:55

Австралискиот борец со македонско потекло Александар Волкановски ужива во својата се поголема популарност за што најдобар доказ е изборот да учествува во филмот „Стритфајтер“ кој треба да излезе идната година.

Филмот е трета адаптација во живо на истоимената славна франшиза за борбени игри, а која служи како рестартирање на филмската серија. Режисер е Јапонецот, Китао Сакураи, а сценариото е на Далас Масон.

Волкановски ќе го глуми Џо, а покрај него, во актерската екипа се уште неколку познати имиња, вклучувајќи го познатиот американски рапер, Фифти Сент (50 Cent). Промоцијата на филмот е закажана за 16 октомври 2026 година.