„Казахстан не смееме да го потцениме, мора да сме на највисоко ниво“

08 јуни 2025 - 16:19

Селекторот на Македонија, Благоја Милевски поради третиот жолт картон кој го доби во натпреварот против Белгија во Скопје утре нема да биде на клупата на репрезентација, а Милевски ќе го замени неговиот прв асистент Роберт Стојановски.

Стојановски зборуваше и на денешната прес-конференција на која потенцираше дека противникот не смее да се потцени.

„Ќе играме против добар тим ккој не смееме да го потцениме. Ги почитуваме и очекуваме пред се наше најдобро издание“, најави Стојановски.

Натпреварот ќе се игра на вештачка трева.

„Фудбалерите се професионалци и подготвени се да играат на било кој терен. Кога е мотивацијата во прашање, кога се игра за репрезентацијата, секогаш има желба и никогаш не се доведува во прашање. Тактиката ќе ја одлучиме по тренингот, Казахстан се потпира колективот и не би можел некој посебно да издвојам“, истакна Стојановски.

За утрешниот натпревар Казахстан нема да може да смета на Бојан Димовски и Исник Алими.

Натпреварот помеѓу Казахстан и Македонија се игра во терминот од 16:00 часот.