Бунт во УО на ФФМ: Членовите бараат Сејдини да свика вонредна седница!

31 октомври 2024 - 13:10

Фудбалската федерација на Македонија денеска потврди дека членови на Управниот одбор испратиле допис до првиот човек Муамед Сејдини за свикување на итна седница.

Во соопштението се наведува дека Сејдини има рок во наредните 21 ден ја закаже седницата.

„Фудбалската федерација на Македонија ја известува јавноста дека денеска (31. октомври 2024) се пристигнати дописи до претседателот на ФФМ, Муамед Сејдини со кои дел од членовите на Управниот одбор на ФФМ бараат закажување на итна седница.

Согласно Статутот на ФФМ, претсетателот на ФФМ има обврска да свика седница во рок од 21 ден од денот на приемот на барањето за свикување на седница на Управен одбор. Во спротивно, членовите на Управниот одбор имаат право седницата да ја закажат самостојно.

Јавноста ќе биде навремно известена за понатамошните случувања“, стои во соопштението.