Винисиус се извини за скандалозниот напад врз нашиот Димитриевски!

04 јануари 2025 - 10:42

Фудбалерите на Валенсија и Реал Мадрид синоќа одиграа возбудлив натпревар во Примера, во кој „кралевите“ успеаја да направат пресврт и да победат со 1-2, иако во финишот играа со играч помалку.

Клучен момент во мечот се случи во 80. минута, кога Винициус Јуниор доби директен црвен картон. Крилниот напаѓач на Реал го удри македонскиот голман Столе Димитриевски, по што мораше да го напушти теренот. Бразилецот по завршувањето на натпреварот се извини за инцидентот и испрати порака на социјалните мрежи.

„Екипо, ви се извинувам и ви благодарам!“.

Реал Мадрид со оваа победа го задржа лидерското место на табелата со 43 бода, два повеќе од второпласираниот Атлетико, кој има натпревар помалку, додека Барселона е на пет бода зад лидерот.